प्रत्येक व्यक्ती यशस्वी होण्यासाठी No.1 क्वालिटी कोणती ?

 

आपण आयुष्यात बरच काही करण्याचा प्रयत्न करतो. नोकरी असेल,उद्योग असेल प्रत्येक ठिकाणी आपल्याला यशस्वी होण्याचं रहस्य माहिती असावं असं वाटतं.

• पारदर्शकता
• प्रचंड ध्यास (पॅशन)
• संवादकौशल्य

ह्या क्वालिटी यशस्वी होण्यासाठी नक्कीच महत्त्वाच्या आहेत , पण सगळ्यात महत्त्वाची क्वालिटी यापैकीच एक आहे का ?

जगभरात बरेचसे रिसर्च केले गेले आणि त्यातून असे निदर्शनास आले की 47% लोकांसाठी सकारात्मकता हीच यशाची नंबर वन क्वालिटी आहे.

त्याचबरोबर 27% लोकांनी पॅशन (Passion) ,26% लोकांनी इतरांशी जुळवून घेण्याचे कौशल्य आणि ते २०% लोकांनी निर्णयक्षमतेच्या कौशल्याला महत्त्व दिलं आहे.

चला तर मग आपल्या लक्षात आलंय की सकारात्मक दृष्टिकोन यशासाठी फार महत्वाचा आहे मग हा सकारात्मक दृष्टिकोन निर्माण होण्यासाठी आपण काय करू शकतो?

नमस्कार माझं नाव केतन गावंड, ऑनलाइन स्वराज्यसारथी, मिशन ऑनलाइन स्वराज्य या प्लॅटफॉर्मचा मी संस्थापक आणि येत्या तीन वर्षांमध्ये एक लाख ऑनलाईन स्वराज्य घडवणे हा माझा ध्यास.

तुमच्यापैकी प्रत्येक जण सकारात्मक व्हावा म्हणून मी पुढील काही गोष्टी त्यांना करण्यास सांगेन.
कमतरतेवर नाही तर स्वतःच्या स्ट्रेंथ वर लक्ष केंद्रित करा

माझं खूपच आवडतं वाक्य

Wherever your focus goes, energy flows and result shows.

जिथे तुमचं लक्ष जातं तिथे तुमची उर्जा जाते आणि जिथे तुमचे ऊर्जा जाते तिथे तुम्हाला परिणाम मिळतात.

आज अडीच लाखापेक्षा जास्त व्यक्तींबरोबर काम केल्यानंतर माझ्या लक्षात आले आहे की, आपण सगळे आपल्या कमतरतांचाच जास्त विचार करतो आणि ज्याचा आपण जास्त विचार करतो तेच अस्तित्वात येताना आपल्याला जाणवू लागतं.

आपल्या ऑनलाइन स्वराज्यसारथी मानसी कोयंडे आणि श्वेता आंबुर्ले मॅडम यांनी रहस्य ( The Secret ) या पुस्तकाची मराठीत सुंदर समरी केली आहे त्याची लिंक मी तुमच्याबरोबर शेअर करतो.

हा व्हिडिओ बघितल्यावर तुमच्या लक्षात येईल कि तुम्हाला कुठे जास्त लक्ष द्यायला हवं जेणेकरून तुमच्यात सकारात्मकता रुजायला सुरुवात होईल.

तुमचं यश साजरं करायला शिका

लहानपणापासून प्रत्येक वेळेला आपण कुठेतरी पोहोचण्याचा प्रयत्न करत असतो.

शाळेतून कॉलेज, कॉलेजमधून नोकरी, नोकरीतून प्रमोशन आणि बघता बघता आयुष्य डोळ्यासमोरून सरून जातं .

नेहमी मोठी उपलब्धी साजरी करण्याची आपल्याला कुठेतरी सवय लागते आणि जोपर्यंत त्या मोठ्या उपलब्धी आयुष्यात येत नाही तोपर्यंत आपण नकारात्मकच विचार जास्त करत राहतो.

एखाद्या मोठ्या परीक्षेची तयारी , एखाद्या मोठ्या जॉबची आकांक्षा , एखादं मोठं घर , गाडी हे मिळालाच तर सेलेब्रेशन नाहीतर काहीच नाही .

दिवसभरात तुम्हाला मिळालेल्या छोट्यात छोट्या यशाला सेलिब्रेट करायला शिका.

ऑनलाईन स्वराज्य मध्ये आत्मपरीक्षणाची एक सिस्टम आहे. रोज रात्री झोपताना स्वतःलाच प्रश्न विचारा आज काय चांगलं झालं ? आणि जे काही चांगलं झालं तो तुमचा विजयच आहे, तुम्ही झोपताना स्वतःची पाठ थोपटून तुमचा विजय साजरा करा. बघा जमतंय का ?

सारखा प्रॉब्लेमचा विचार न करता समाधानाचा सोल्युशनचा विचार करा

हा एवढा जबरदस्त कॉन्सेप्ट आहे

मी ती गाडी घेऊ शकत नाही हा जर तुमचा प्रॉब्लेम असेल आणि जर हेच वाक्य तुम्ही स्वतःशी सारखे सारखे बोलत असाल तर ती गाडी तुम्ही का घेऊ शकत नाही याची दहा कारणं तुमचं अंतर्मन तुमच्यासमोर आणून ठेवेल.

हाच प्रश्न थोडा वेगळा विचारून पहा

मी ती गाडी कशी घेऊ शकतो?

आता अचानक तुमचं अंतर्मन तुमच्यासमोर दहा आयडिया उभ्या करेल ज्याच्या मदतीने ती गाडी तुम्हाला घेणे शक्य होईल.

आता आपण काय केलं? आपण प्रॉब्लेमचे रूपांतर हे शक्यता किंवा सोल्युशनमध्ये केलं.

यशस्वी आणि अयशस्वी लोकांमधील हा सगळ्यात मोठा फरक आहे आणि ह्या प्रश्नातच आयुष्यातली सकारात्मकता दडलेली आहे.

तात्पर्य आपल्याबरोबर काय होतं त्याच्यावर आपला फक्त ५% कंट्रोल असतो पण आपण त्याला काय प्रतिक्रिया देतो त्याच्यावर आपल्या आयुष्यात सुख समाधान आणि यश 95% अवलंबून आहे आणि जेवढी जास्त सकारात्मकता तुमच्या व्यक्तिमत्त्वात असेल तितकच जास्त तुम्ही आनंदी राहाल यशस्वी व्हाल आणि यश साजरे करायला शिकाल.

ब्लॉग शेवटपर्यंत वाचल्याबद्दल धन्यवाद!

तुम्हाला हा ब्लॉग कसा वाटला ते कमेंटद्वारे नक्की कळवा.

तुमचे प्रश्न असतील तर ते मला माझ्या फेसबुक ग्रुपमध्ये येऊन तुम्ही नक्की विचारू शकता.

तुम्हाला जर सकारात्मक उद्योजकांची एक जबरदस्त कम्युनिटी जॉईन करायची असेल तर माझा ऑनलाईन स्वराज्य हा ग्रुप नक्की जॉईन करा.

ऑनलाईन स्वराज्य हा आपल्या सगळ्यांचा जन्मसिद्ध अधिकार आहे आणि आपण तो मिळवणारच.