आपण खरंच रिटायर व्हायचं का?

 आपण खरंच रिटायर व्हायचं का?

आज सकाळी मी माझा रोजचा मॉर्निंग वॉक करण्यासाठी दादरच्या नारळी बागेत गेलो होतो.

साधारणतः पाच सहा वर्षापासून मी तिकडे वॉकसाठी जातो.

सकाळी लवकर येणाऱ्यांसाठी नारळीबाग म्हणजे आमची प्रायव्हेट प्रॉपर्टीच.

सकाळी सहा सातच्या दरम्यान ह्या तीन एकरच्या बागेत आम्ही ठरलेले दहा-बारा लोकच असायचो.

मी सोडून सगळे सीनियर सिटीजन.

प्रचंड शांतता,सुंदर वातावरण,भरपूर हिरवळ आणि नारळाची झाडं.

आमच्या पाळीव खारी आणि समोर अथांग अरबी समुद्र...... कोणत्याही व्यत्ययाशिवाय मेडिटेशन व्हायचं.

करोनानंतर मात्र परिस्थिती खूप बदलली आहे.

COVID 19 ने सगळ्यांनाच खूप जास्त हेल्थ कॉन्शस बनवलय.

कित्तेक होतकरू फिटनेस ट्रेनर आणि योगा शिक्षक हे सकाळी त्यांच्या बॅचेस घेण्यासाठी हल्ली नारळीबागेत येऊ लागले आहेत.

कोलंबसला अमेरिका सापडल्यावर युरोपियन लोकांनी अमेरिकेवर आक्रमण केले तसेच शेकडो लोक सकाळी नारळीबागेत येऊ लागले आहेत आणि आम्ही बारा जण त्या रेड इंडियन्सना काय वाटलं असेल, याचा अनुभव घेत आहोत.
गंमत खूप झाली आता मूळ मुद्द्यावर येतो.

आज मला बऱ्याच दिवसांनी आमच्या एक रेग्युलर वाकिंग मेंबर नयना पटेल ( नाव काल्पनिक) भेटल्या.

वय सत्तावन्न वर्षे, उत्तम फिटनेस , सतत हसतमुख चेहरा आणि आर्थिक सुबत्ता उच्च मध्यमवर्गीयांपेक्षा चांगली.

मी त्यांना विचारलं 'बेन हल्ली दिसत नाही तुम्ही?'

त्यावर त्यांनी मला सांगितलं 'अरे मी संध्याकाळी माझ्या टेरेस वरच वॉल्क करते ,सकाळी थोडा योगा वगैरे करते आणि हल्ली सगळं वाइंड अप करायला घेतलय ना.

त्यांच्या त्या वाक्याने मी थोडा दचकलो आणि विचारलं, 'का बरं?'

त्यावर त्या म्हणाल्या, आता मी ५७, मिस्टर ६० प्लस, मुलगा अमेरिकेत असतो , सून सिंगापूरला , दोघंही बक्कळ पैसे कमावतात आणि आम्हांला आता काही करण्याची गरज नाही, त्यामुळे हळूहळू सगळं आवरतं घेतोय.

माझं त्यांनी बिझनेस वाईंड अप करण्याबद्दल काहीच ऑब्जेक्शन नव्हतं, पण त्यांचा सूर हा आयुष्यातूनच वाईंड अप करण्यासारखा जाणवत होता.

मी त्यांना माझ्या बाजूला बसायला सांगितलं आणि त्यांना पहिला प्रश्न विचारला,

'तुम्ही IKIGAI पुस्तक वाचले आहे का?'

त्यांनी उत्तर 'नाही' असं दिलं.

मग मी त्यांना इकिगाई समजावलं आणि त्यांच्या डोक्यात लख्ख प्रकाश पडला.

आमच्या संवादातून त्यांना फायनान्समध्ये काम करायला आणि भावी पिढीला आर्थिक नियोजन करायला मदत करणं आवडतं हे लक्षात आलं.

मग मी त्यांना सिक्रेट्स ऑफ द मिल्यनेअर माईन्ड या पुस्तकाबद्दल सांगितलं आणि त्या किती जबरदस्त कॉन्ट्रीब्युशन करू शकतात याची जाणीव करून दिली.

त्या क्षणाला मला त्यांच्या चेहऱ्यावर एक वेगळीच चमक जाणवली.

आता त्यांच्या बोलण्यात मला आत्मविश्वास जाणवत होता.

मग माझ्याकडे बघत त्या म्हणाल्या ' तू खूप छान काम करत आहेस, कीप इट अप बेटा'

मी ती कौतुकाची थाप स्वीकारत त्यांना 'आज माझ्या उर्वरित आयुष्याचा पहिला दिवस आहे, या आत्मविश्वासाने जगा, तुम्हाला अजून पन्नास वर्ष जगायचं आहे , जग बदलायचं आहे ' हा डायलॉग मारला आणि स्टाइल मारत तिथून निघालो.

आणखीन एका लेडी बॉसच्या मावळणाऱ्या दिव्यामध्ये आशेच्या तेलाचं आंदण घालत मी समाधानाने पुढे निघालो .

देवाने मला दिलेल्या कामाबद्दल कृतज्ञता व्यक्त करत आनंदाने बाईकला किक मारली.

कळत नकळत आपण आपलं पॅशन २४ तास जगत असतो, याची मला जाणीव झाली.

नयना पटेल आणि तुमच्यासारख्या सगळ्या लेडी बॉसना माझा मानाचा मुजरा.

तुम्हाला देखील लेडी बॉस २०२१ व्हायचं असेल तर आमचा टेलिग्राम ग्रुप नक्की जॉईन करा